Grande companias odia le libere mercato
per Joel Pinheiro da Fonseca, lunedi,
le 17 de augusto de 2015
Il ha personas qui ancora crede que le
grande companias e su capitanos es defensores del economia liberal.
Illes sape nihil, innocentes. (NT: Sabe de nada inocente, burla
brasilian) Le grande interprisas es le primes a recurrer al Stato e
illos lo face con omne le facilitate del mundo.
Si il ha qualcosa que place al
interprenditores, illo es exir del mar revolte del mercato e flottar
in le piscina tepide del protection statal. Le optiones in le menu es
varie: formar un cartel legal, ganiar un monopolio, assecurar se
pecunia ab le governamento, credito subsidiate, facer servicios al
stato, vehicular publicitate statal, formar comités pro regular le
sector, prohibir le concurrentia, clauder le frontieras al producto
estranier, approbar politicas de precio minime, esser salve del
fallimento in le ultime secundo e tantes quantes le imagination del
politicos permitter.
In nostre pais, un del formas que le
grande companias ha pro proteger se es le BNDES (NT: Banco Nacional
do Desenvolvimento, organo statal brasilian que forni credito pro le
disveloppamento de companias) Illo presta vaste summas con interesses
reducite debite a subsidios, visante le objectivos politic del
governamento. Le differentia inter le interesse del mercato e del
interesse stabilite per le BNDES es un transferimento de renta
directe pro que le interprisas face quecunque illos vole - applicar
le pecunia e ganiar con taxas de interesse plus grande, per exemplo.
In le ultime anno, il esseva plus que
R$ 500 milliardos in prestos. E non pensa que le BNDES pote adjutar
omne le interprisas. Le mundo es cruel, le recursos es scarse, il es
impossibile que omne le companias ha lucro al mesme tempore in le
lunge termino: omne ganio de un es necessarimente le perdita del
altere.
In altere casos, grande companias
recipe le derecto de monopolio o de cartel. Il es lo que occurre con
le telephonia, con le companias de electricitate, con le autobuses
municipal (NT: Municipio - Governamento del citate in Brasil). Le
sector es cartelisate per determination statal. Le resultate es
companias que presta servicios car, de basse qualitate e que in plus
recipe R$ 1,6 milliardos cata anno del governamento. Quante
capitalismo!
Iste formas directe de adjuta statal
tira nostre attention. Ma le favorimento del grandes se passa anque
de manieras indirecte, forsan ancora plus nocive, via impostos e
regulamentation. Le mesme taxa de imposto que incide sur le lucros
de un grande corporation, prendente ab illo parte de su resultato,
inviabilisa le continuitate de un parve negotio que ha percentuales
de retorno minor.
Omne le regulamentation o imposto porta
costos fixe. Costos juridic, contabile, de audit - le quales un
grande interprisa pote solver in su enorme factura. Pro un gigante
del sector alimentari, le subscription de un o varie nutritionistas
in labor permanente non costa multo. Anque non costa multo pro illo
applicar regular de Fiscalisation Sanitari pro ancora un altere
cocina standardisate de McDonald's; pro un parve sandwicheria, le
mesme exigentias es prohibitive, inabilitante.
Il es pro isto que, quando le subjecto
es regulamentation, le grande interprisas es a latere del
governamento. E illos habera sempre le plus belle del intentiones:
garantir le qualitate del servicio e le securitate del consumitor.
Illos sape que le costo extra, si existente (a vices illo non existe
proque su proprie practica es universalisate al alteres per le lege),
essera compensate con le mercato cata vice plus standardisate e
centralisate in lor manos. Un mercato in le qual le consumitor non
pote selectionar le relation risco/retorno que melio se adapta a su
possibilitates.
Un exemplo: In 2013, on ha implantate
le regulamentation de carrettos pro transportation de bébés. Le
productores e venditores de carrettos inexpensive, facte pro non
durar multo, habeva un mal fin. Ma divina alora qual esseva le
position official de Burigotto, cuje carrettos ja costava plus que R$
2.000 e ja veniva con omne le misuras le plus exigente de securitate?
Exactemente.
Quando le citate de São Paulo
menaciava prohibir (con un lege que non ha essite acceptate e misse
in practica con successo) le sacchettos plastic in le supermercatos,
le grande retes esseva le primes a appoiar le moda del
sustenibilitate e offerer bellissime saccos de panno, con un costo
minime pro le supermercatos e le misse in practica de un action de
marketing. On sentiva le orgolio in le aere al offerer le grande
saccos de panno personalisate. In le interim, le mercadettos del
angulos de strata non esseva tanto felice.
Ab le duo pharmacias de mi vicinitate,
in qual il es plus commun trovar un fiscal assediante le stabilimento
con menacias de multa: in le succursal de Droga Raia - que debe ja
haber toto standardisate sur le tabua del architectos e advocatos - o
le pharmacia de quartiero cuje le proprietari, que labora como
venditor al banco de vendita, que probabilemente non ha un equipa
juridic e nec tempore pro cognoscer e sequer le infinite regulas.
Con le leges laboral, le cosa es equal.
Le costos fixe es diluite in le extense lista de pagamentos del
corporationes, que conta ancora con sectores juridic e de HR (Human
Ressources) pro minimisar perditas e allongar le processos juridic.
Il ha anque le facto que lor ganios de scala permitte expender plus
per functionario que le parve negotio, le qual depende de diverse
prestatores de servicio informal e que ja resta al rubre in le caso
de poc processos juridic laboral.
Pro completar, le mer facto de esser
grande concede al interprisas spatio de manovras ante le justitia
statal. Le passivos laboral milliardari de grande companias e
bancas in Brasil - un indicator, in realitate, de como nostre leges
es mal - extende se durante annos e annos, accumulante debitos
impagabile. Ma como le governamento non es stupide, non vole
promover le discontentamento social per nihil e ama haber alliatos
grande e fidel, con un grande menacia in le manicas, le passivo
continua illac. Passivos laboral ben minor in parve companias ja
presenta costos legal inviabile.
Le grande interprisa "non pote"
faller (proque non?); le parve pote. Megainterprenditores e
governantes convive in un amical joco de traction al corda. Illes se
excambia menacias e presentes, lobby, financiamentos e projectos de
lege, illes se dona e se retira appoio conforme les conveni. Cata
parte trahe a su latere, ma necun vole que le altere persona lassa le
corda. E le corda es tu.
E le Stato, que gania illo? Plus poter
sur le societate, plus previsibilitate, minus difficultates pro
monitorar, misurar e taxar toto lo que occurre. Le garantia de que
toto lo que tu consume e tote tu opportunitates de labor es ja
pensate e date in avantia e de que tote le projecto de poter de qui
es in le culmine conta con companieros determinate passibiles de
coaction.
Si qualcosa fugiva al schema, alora le
personas prenderea decisiones per conto proprie, de forma chaotic,
non-directionabile; e lor optiones non sempre beneficiarea illes qui
ja es in le culmine. E nos non pote permitter que isto occurre,
certo?
Traducite per Carlos Eduardo de Paula.
No hay comentarios:
Publicar un comentario