Retornar ab le festa de fin de anno in un Uber
costava usque R$500 (NT: plus que $100) - e isto es optime!
Per Victor Aguiar.
In 06/01/2016
Per Victor Aguiar e Nicolas Powidayko
Fonte: http://mercadopopular.org/2016/01/preco-uber/
Fonte: http://mercadopopular.org/2016/01/preco-uber/
556 real per un cursa in Uber. Iste esseva le situation con le qual
alcun personas se confrontava post le show de focos de artificio in alcun del
plus grande festas de fin de anno in Brasil.
Ben que omne le usatores ha essite informate previemente sur le precios
exceptional, le revolta sur internet esseva inevitabile (e international). Le
tempestate de criticas include usque comparationes con le augmento del precio
del aqua post le lapso del barrage de Mariana, un del plus grande tragedias
ambiental del historia brasilian. Generalmente retractate in le retes social
como un heroe in un guerra contra le cartel del taxistas, Uber ha passate a
esser le villano avar del historia.
Pro comprender pro que le systema de tarifa flexibile de Uber - o de
qualcunque altere compania - es efficiente, nos necessita parlar sur
incentivos: te placerea laborar durante le festas de fin de anno pro le mesme
pecunia de un dia normal?
Del mesme modo que le "bandeira 2" (NT: Tarifa alternativa in
occasiones special in Brasil) del taxi - solmente un forma plus conservator de
flexibilisation de precios -, le tarifa fluctuante incentiva le motorista a
exir de casa in le momentos in que multe gente vole un cursa e poc gente vole
laborar.
In un nocte de anno nove, il non es difficile comprender proque le
grande majoritate del conductores prefere festar con le familia e amicos, in
vice de labora conducente pro descognoscites.
Con le minor numero de conductores disposte a exir de casa, le precio
del cursas explodeva.
Con le tarifa fluctuante e cursas plus car in le horarios de plus
movimento (probabilemente plus proxime a medie-nocte), multe conductores qui
restarea in casa prefere laborar. Iste structura es similar al pagamento de
horas extra, quando le laborator gania un salario plus grande que le normal pro
le horas laborate "in plus".
Le combination inter alte demanda, usatores disposte a pagar e
disponibilitate reducite anque explicar pro que comprar un passage aere pro le
die sequente pote costar tanto; o pro que le passage es plus economic quando le
avion parte durante le horas nocturne, quando minus gente es disposte a volar.
Le systema de tarifa flexibile sirve justemente pro adjustar le offerta
e demanda, incentivante conductores a offerer le servicio quando multes vole
pagar pro illo. Assi, qui ha un plus
grande disposition in pagar pro le servicio, opta pro pagar un precio plus
grande. Illes qui non es disposte a
pagar le valor pote seliger altere formas de locomotion, como taxi, passage,
bus, bycicletta, auto proprie o simplemente un Uber plus economic, que essera
disponibile assi que le demanda diminuera.
Si le precio es troppo alte, il basta que on non utilisa le servicio.
A mesura que le altere personas anque opta altere formas de locomotion,
le precio del tarifa diminue. Essente le
cliente adequatemente informate del augmento del precio, il ha nihil de errate
in cargar alte valores.
Alora, que nos torna al question initial: Tu pensa que il es juste pagar
500 real in un cursa? Multe gente crede
que no, ma isto implicarea in defender que le conductor del Uber ha le deber
moral de lassar su familia durante le festa de fin de anno e laborar pro le
mesme valor de horarios normal.
Le principal argumento contra le tarifa flexibile es que le conductores
se profita del situation, ma le opposto forsan es plus ver: le abusive es non
permitter que le precio fluctua. Le
cursa restava plus car in le torno del anno proque le costos de producer lo
anque es plus car. In iste caso, lo que
augmentava esseva le costo del hora de labor pro le taxista, plus
specificamente le costo de opportunitate in laborar, o le costo de abandonar su
familia durante un data festive importante.
Impedir que le cursas resta plus car in un festa como iste, in le
practica, es impedir que le precio de un producto reflexa su costos, un
position tanto irrational quanto exiger que un Ferrari sia vendite per le mesme
precio que un auto popular. Le
consequentia, incluso, esserea le mesme: scarcitate. Si le precio es minor que le costo,
simplemente il non vale le penna producer: Le fabrica de Ferrari va clauder e
plus conductores restara in casa.
Le festa de anno
nove in Copacabana non es le tragedia de Mariana, e le mercato de transportos
non es un monopolio. Le citatano non es
hostage del precio applicate per Uber.
Tornar a casa con conforto e expendente relativemente poco pote esser
bon, specialmente quando on es lasse post un festa. Fugir del bus quando on es lasse (e ebrie, in
le major parte del casos) pote esser multo bon, ma illo non es exactemente lo
que le major parte de nos considera como derecto human universal.
No hay comentarios:
Publicar un comentario